Ziara ya Rais Samia Korea Kusini yaleta Kampuni 38 kuja kuwekeza nchini.

Na Mwandishi Wetu 

Hatimae matunda ya ziara aliyoifanya Rais Dkt Samia  Suluhu Hassan nchini Korea Kusini yameanza kuonekana baada ya kampuni 38 kuja nchini kuwekeza.

Rais Dkt. Samia alifanya ziara hiyo, ambapo pamoja na mambo mengine alikutana na wafanyabiashara wa nchi hiyo na kuwakaribisha Tanzania.

Kampuni hizo 38 kutoka Korea Kusini zitaungana na kampuni nyengine  50 za  Tanzania ili  kufanya uwekezaji wa ubia katika maji, miundombinu, mafuta, gesi na madini.

Mkurugenzi Mtendaji wa Kituo cha Uwekezaji Tanzania (TIC), Gilead Teri ndie ameyaeleza hayo.

Katika ziara yake ya kihistoria nchini Korea Kusini, Rais Dkt. Samia  aliibua fursa za kiuchumi za Tanzania katika maeneo mbalimbali, ikiwa ni pamoja na nishati ambayo wawekezaji wa Korea Kusini wangeweza kuingiza mitaji yao kupitia ubia na wawekezaji wa ndani.