Rais Samia aboresha Afya msingi Mijini na Vijijini

 

#KAZI INAONGEA

Serikali ya Awamu ya Sita inayoongozwa na Rais Dkt. Samia Suluhu Hassan imeendelea kufanya maboresho katika eneo la ujenzi wa miundombinu ya kutolea huduma za Afya ya Msingi na ununuzi wa Vifaa Tiba. 

Katika kipindi cha uongozi wake kiasi cha  Shilingi bilioni 916.6 kimetolewa kwa ajili ya kuboresha eneo hilo, ambapo kati ya hizo Shilingi bilioni 624,888 zilitolewa kwa ajili ya miradi mbalimbali ya ujenzi na ukarabati wa miundombinu ya kutolea huduma za Afya ya Msingi, Shilingi bilioni 287.5 kwa ajili ya ununuzi wa Vifaa na Vifaa Tiba na Shilingi bilioni 4.21 zilitolewa kwa ajili ya kuendesha mafunzo mbalimbali kwa watoa huduma ikiwemo mafunzo kwa wataalam wa kutoa huduma ya ganzi na usingizi na mafunzo kwa wataalam wanaotoa huduma kwa wagonjwa mahututi na wagonjwa wa dharura. 

Hatua hii ni mwenedelezo wa dhamira ya Rais Samia ya kumletea maendeleo Mtanzania popote pale alipo, ambapo mara zote amekuwa akiamini kuwa mwananchi mwenye afya njema ana uwezo wa kuzalisha.

Hii ni kwa mujibu wa muhtasari wa mafanikio ya miaka mitatu ya Serikali ya Awamu ya Sita inayoongozwa na Rais Samia tangu aingie madarakani uliotolewa na Ofisi ya Rais Tawala za Mikoa na Serikali za Mitaa (TAMISEMI).